S’amicu no’ irmenticat  s’amicu

custa sì ch’est una  legge naturale

de su tempus chi passat motu anticu

de dies imbenientes artu signale.

Gianfranco a bi torramus a s’intricu

a su misteriu ‘e istare  galu impare

e gai namus chi torra ses partitu

chin nois ar ripigliatu su viaggiare

Pro ponnere in canticu perenne

custa terra lunaglia nostra e tua

chin  boche orte e canticu solenne. 

S’iscuru chin sa luke innastan pua

canno s’ammentu vividu nos rennet

de custa idda chi er mea e sua.

Di Natalino Piras